دۆخی کەرتی تەدروستی خراپە

بەهۆی نەبوونی مووچە و کارمەندەوە، دۆخی تەندروستی لەسنوری گەرمیان لەئاستێکی خراپدایە 

دانیشتوانی سنوری گەرمیان نزیک دەبێتەوە لە ٦٠٠ هەزار کەس تاکو ئێستا نەخۆشخانەیەکی مۆدێرنی تێدانییە ئەوەش وایکردوە، هەرحاڵەتێکی لەناکا و کوتوپڕ هەبێت ڕاستەوخۆ ڕەوانەی سلێمانی بکرێت چەندین کیلۆمەتر ببڕدرێت تادەگاتە سلێمانی ئەوەش مەترسی لەسەر ژیانی نەخۆش دروست دەکات.

هەرچەندە بڕیاربوو نەخۆشخانەیەکی ١٠٠ قەرەوێڵەی مناڵان لەقەزای کەلار دروستبکرێت بەوش بەشێک لەگیرو گرفتی لەڕووی بیناوە چارەسەر دەکرد بەڵام زیاد لە ١٢ ساڵە تەواونەکراوە، بیناکە جێهێڵراوە.

سنورەکە ڕوژ دوای ڕۆژ برەو بەکەرتی ئەهلی دەدرێت بەڵام کەرتی گشتی وەلانراوە، ئەوەش وایکردوە هاوڵاتیان گومانیان لەبارودۆخەکە هەبێت و بۆ بەیەکجاری پەکخستنی ئەوکەرتەو گرنگی دان بەکەرتی ئەهلی.