پارتی و یەکێتی بەرەو چی خاڵێک دەڕۆن؟

timer Created with Sketch Beta.

24-11-2025

نوسەر : حەمە نووری

پارتی و یەکێتی بەرەو چی خاڵێک دەڕۆن؟

پارتی و یەکێتی بەرەو چ خاڵێک دەڕۆن؟

حەمە نووری

🛑بەمنزیكانە كۆبونەوەی مەكتەبی سیاسیی یەكێتی دەكرێت وباس لەوەدەكەن دەرگای گفتوگۆ  بۆ پێكهێنانی حكومەت بەرووی هەموو لایەنێكدا كراوەیە ،پارتیش چاوەڕێی ئەم قسەیە بەفەرمی لەیەكێتییەوە بوترێت .
نە یەكێتی دەیەوێت ببێتە دوو ئیدارەیی نەپارتیش دەتوانێت یەكێتی ئاوت بكات.
نە هەردوو حزبەكەش و دۆخی هەرێمایەتی ئێستاش لەگەڵ بەشبونی هەرێم و ماڵ جیایی ئەو دووحزبەدان ورێگە پێنەدراویشە.
🔴پارتی ویەكێتی پێكەوە حكومەت پێكدەهێنن.
🖍️ هەمیشە پەیوەندی یەكێتی وپارتی لەخراپترین دۆخدا دەزوویەك دەهێڵنەوە لەنێوانیاندا ،ئەو دەزووە دەبێتە كڵافەیەك،خاڵی سفر لەنێوان ئەو دوولایەنەدا نییە.

🛑ئەی ئەو گرژییە چییە ؟

كیسنجەر دەمێكە وتوویەتی:دیبلۆماسییەت هونەری گفتوگۆیە ،بۆ دورخستنەوەی شەڕ ،بەڵام پێویستی بەددانیش هەیە.
بەكورتییەكەی یەكێتی نایەوێت یەكسەر بەڵێی حازربێت،پارتیش كارتی فشارەكان رادەكێشێت كە دەشزانێت بەكارنایەت(وەك دروستكردنی حكومەت بێ یەكێتی).
🖍️چی تر هەیە؟ 
كێشەیەكی تر، یەكێتی  قسەكەری زۆرە كە لەخۆیانەوە قسە فڕێ دەدەن و هەندێ هەڵوێست توشی حزبەكەیان دەكەن(وەك مەسەلەی غازەكە ومەسەلەی وەرگرتنەوەی هەولێر )
لەناو پارتیش شیوازی ئیستفزازكردنی بەرامبەر و بێ منەتییەكی 
سیاسیی لەهەندێ سەركردایەتی پارتییەوە دەبینرێت.
ئەمەش وایكردوە دیمەنەكە لەبەردەم خەڵكدا ئاڵۆزبێت و تێكبدا.

 🔴بەڵام بۆیە راستی قسەكە بزانیت چی دەبێت و چی روودەدا و دیمەنەكە بە روونی ببینین ،لەیەكێتی گوێ لەبافڵ وقوبادتاڵەبانی 
لەپارتی گوێ لە مەسرور ونێچیرڤان بارزانی بگرن.
هەمووی ئەوانەی تر كاتكوشتنە و خەتە راستەكەت لێ وندەكەن ودیمەنەكە تەڵخ دەكەن.
🖍️حكومەت لەلایەن یەكێتی وپارتییەوە پێكدێت ،نوقتە سەری دێڕ.

دوایین هەواڵەکان

سەنتەری میترۆ : میدیاکان بە پیشەییانە و بەرپرسیارێتییەوە ڕوماڵی ڕوداوەکان بکەن

دوو کارمەندی کۆماندۆ بە بەندکردنی هەتاهەتایی حوکمدران

دەستەی سەربەخۆی مافی مرۆڤ : ئارام قادر تەندروستی باش نییە

ڕاپۆرتەکان

دوایین هەواڵەکان

هەواڵی بەپەلە :