گرتنی تەنیایی و پاراستنی

گرتنی تەنیایی و پاراستنی

تەنیایی جێیەکە مرۆڤ تێیدا ئازاد، دڵنیاییەک بەدی دەکات لە هیچ جێیەکی دیکە دەستناکەوێ

ئارامییەک لە هیچ شوێنێکی دیکە چنگ ناکەوێ

نیشتنەوەیەکە کە گەردێک بێزاری ناکات

تەنیایی لە ناو سکی دایک دەچێت، 
چۆنت دەوێ وەها دەجوڵێی
چۆنت دەوێ وەها دەخولقێی 
سەما دەکەیت چۆنت بوێت

تەنیایی و خولاندنەوە بۆ من شتێکە وەک ئەوەی بمبەستێتەوە بە ئاسمانەوە

لەڕێی ئەو بەناو سەما ( خولاندنەوە)یەی دەیکەم هەست دەکەم گەردەلولێک بە ئاسمانەوە گرێمدەدات و ئازاد دەبم 

هەندێجار لە خۆشیدا پێدەکەنم و

هەندێجاریش دێمە پڕمەی گریان 

هەردوو هەستەکە بۆ من ڕەهابونێکی تەواوە و بەس

دوشکردنەکانی تەنیایی و ڕۆیینی ئاو لەسەر سەر و لاشە جۆرێکە لە پاک بونەوەی قووڵی ڕۆح، مرۆڤ تیایدا ئازارەکانیش فەرامۆش دەکات..

تەنیایی وەک کەسایەتییەکی لێدێت، هەست دەکەم ئەوەندەی تەنیایی نازی منی کێشاوە مرۆڤ نەیتوانیووە .

بۆ نمونە لە ژینگەی تەنیاییدا دەنگ بەشێکە لە بوون، دەنگت دێ لەناو جێگا نازی خۆت دەکێشی، دەنگت دێ لەبەر ئاوێنە و ژیان تاو و توێ دەکەیت… هەندێجار تۆ و دەنگ و تەنیایی دەبنە سێ کەس ڕۆڵێکی زیندوو لە ئارامیی دەگێڕن

دەتوانم بڵێم کاتێک مرۆڤ ئاشنا بوو بە تەنیایی جێیەکە نە بەئاسانی دەستبەرداری دەبیت نەتەنیایی بۆ خۆی لێدەگەڕێ ئەم هاوڕێیە فەرامۆش بکات.
تەنیاییم خۆشدەوێ