مێژووی سلێمانی تا ئێستا بە ساختە نوسراوەتەوە

🛑مێژووی سلێمانی تائێستا بەساختە نوسراوەتەوە.

حەمە نووری

🛑  شاری سلێمانی بەبڕیار دانراوە،عوسمانییەكان دروستیانكردوە.

🛑هەموو ئەوانەی بیستووتە لەبارەی مێژووی سلێمانییەوە  راست نییە.

🛑بابانییەكان عەشیرەت وبنەماڵەنەبوون،چەند چەكدار ودەستەیەكی بەكارهێنراوبوون دواتر كۆبوونەتەوە،خۆیان بەبنەماڵە ناساندوە.

نەمویست جارێ هیچ بنوسم لەبارەی مێژووی سلێمانی ،دەمێكە بەدوای راستی دروستبونی ئەم شارە دەگەڕێم،بۆكاتی تر وباسێكی پڕ لەبەڵگەوە ئەو مێژووە هەڵدەدەمەوە كە زۆركەس تەنانەت  رۆحی شاد كاك نەوشیروانیش نەیویستوە دان بە راستییەكانی دروستبونیدا بنێت(هەرچەندە لەزۆرشوێندا ئاماژەی دەرخستوە).

🖍️جارێ بائەمەتان بۆ باسبكەم،بۆ كەس ناپرسێ  وایە؟

مزگەوتی مەڵكەندی ساڵی ١٧٧٥دروستكراوە،دوانزە ساڵ پێش بڕیارەكەی برایم پاشا،كە گوایە سلێمانی دروستكردوە.

مزگەوتی حاجی حان ساڵی ١٧٨٣ساڵێك پێش دروستكردنی سلێمانی هەبوە ونوێژی تێیداكراوە.

مزگەوتی شێخ باباعەلی ١٧٧٤ لەگوێژە دەساڵ پێش دروستبونی شارەكە.
كەواتە پێش دروستبون، ژمارەی دانیشتوان زۆربون بۆیە لەدوو ناوچەی بچوك كە گوێژە ومەڵكەندی بووە سێ مزگەوت دروست كراوە .

⭕️خەونی فراوانبونی سلێمانی لەمێشكی مەحموود پاشای بابان گەڵالە بوو.
بەڵام چونكە والی بەغدا كە سلێمان پاشابووە، یارمەتی نەداوە ودژی وەستابووە بۆیە دووساڵ پێش ئەوە، سلێمانی بەجی دەهێڵت و لەرۆژهەڵات دەكوژرێت.
⭕️دوای بەفەرمی عەبدولڕەحمان پاشای بابان دادەنرێت لەلایەن والی بەغداوە وسلێمانیش ئەمین زەكی دەڵی بەفەرمانی سلێمان پاشا كەوالی بەغدابوە ناونراوە سلێمانی.

🔴كەواتە قەرەباڵغی هەبوە لەم ناوچەیەدا و تەنها بەرفروانكراوە نەك  دروستكرابێت ،
⭕️بۆچونێكی گەورەهەیە كە بابانییەكان ،دەمێك سەفەوییەكان دژی میرنشینی سۆران و دەمێكیش عوسمانییەكان دژی  میرنشینی ئەردەڵان بەكاریانهێناون و دروستی كردون ،بابانییەكان لەناوخۆیاندا زۆرناكۆك 
وناتەبا بوون.
⭕️لەهەمووشی گرنگتر مێژووی راستی بابانییەكان نییە ،هەریەك حیكایەتییەكی لەسەر باسدەكات،بەڵام بۆچوونەراستەكەئەوەیە كۆكراوەی چەند چەكدار ودەستیەك بوون دواتر وەك بنەماڵەیەك ناسێنراون .
⭕️سلێمانی بەبڕیاری عوسمانییەكان دەكرێتە شار وگوێژە ومەڵكەندی  وئەو قەڵایەی مەحموودپاشا دروستیكردبوو تەواودەكرێت .
واتا سلێمانی بونیاد نەنراوە ،فراونكراوە وبەبڕیار ومەرسومی ئیداری  عوسمانییەكان دروستكراوە وەك شار .

⭕️رۆژ وساڵێك نییە كە سەلمێنرابێت گوایە سلێمانی تێیدا دروستكراوە ،ئەمەش بۆخۆی ناراستییەكە وهیچی تر.
 
🔴ئەوە بۆتوێژینەوە وبەڵگەكانی دواتر.

 بەڵام ئێستا سلێمانی  ئازیز و جوانە.