هێزێکی ئەمنی سێ ڕۆژنامەوس دەستگیردەکات

درەنگانی شەوی رابردو، هێزێكی ئەمنی لە سلێمانی چونەتە سەر ماڵی سێ رۆژنامەنوس و دەستگیریان كردون و تا ئێستا چارەنوسیان نادیارە.

دی ئێن ئەی کورد: درەنگانی شەوی رابردو، هێزێكی ئەمنی چونەتە سەر ماڵی هەریەكە لە رۆژنامەنوسان نەبەز شێخانی، بەشدار بازیانی و دانا ساڵح دەستگیریان كردون.

نەبەز شێخانی لە پێگەی تودەی نیوز سەربە رەوتی هەڵوێست كاردەكات و هاوكات لەگەڵ دو رۆژنامەنوسەكەی دیكە لە پێگەی میدیا21 كاردەكەن. دانا ساڵح مامۆستای زانكۆی سلێمانیشە.

بەپێی زانیاریەکان، هێزە ئەمنییەكە نزیكەی سەعات 1ی شەو هەڵیانكوتاوە سەر ماڵی رۆژنامەنوسەكە و پێیان وتوە لەگەڵیان بڕوات بۆ لێكۆڵینەوە تاوەكو ئێستا چارەنوسی نادیارە هێزە

پێگەی تودەی نیوزی ڕەوتی هەڵوێست لەڕاگەیەنراوێکدا ئاماژەی بەوەکردوە سەلامەتی گیانی ڕۆژنامەنوسان لە ئەستۆی هێزە ئەمنیەکانی سلێمانییە.